101 Questions

FILM : 101 CHODYNGAL

DIRECTOR : SIDHARTH SIVA

COUNTRY: INDIA

             വിദ്യാഭ്യാസം ,ദാരിദ്ര്യം , രാഷ്ട്രീയം  എന്നീ ജീവിത-അനിവാര്യതകളെ  ഉപരിപ്ലവമായി സ്പര്ശിച്ചാണ്  ഈ സിനിമ മുന്നോട്ട് പോകുന്നത്. സിദ്ധാർത്  ശിവ  എന്നാ യുവ സംവിധായകനിൽ നിന്ന് ഇനിയും ഏറെ പ്രതീക്ഷിക്കാം എന്ന പ്രതീക്ഷ നല്കിയാണ് സിനിമ അവസാനിക്കുന്നത്.

              101 ചോദ്യത്തിന് 101 രൂപ , വിജ്ഞ്നത്തിന്റെ  ഇത്തരം  വിലയിടലുകൾ  പലപ്പോഴും  വിഷമിപ്പിക്കാറുണ്ടെങ്കിലും , അവന്റെ ഓരോ ചോദ്യത്തിനും മനസ്സിൽ  " വിലമതിക്കാനാവാത്ത " മൂല്യം കല്പിക്കുന്ന  ഗുരുവിൽ നിന്നായത് കൊണ്ട്  മാത്രം ആശ്വസിച്ചു. ത്യാഗത്തിന്റെയും, പങ്കുവെക്കലിന്റെയും സന്തോഷങ്ങൾ ഈ സിനിമ വളരെ ലളിതമായി ആവർത്തിച്ചുറപ്പിച്ചു.

  ലിഖിതങ്ങളായ  എല്ലാ വിജ്ഞാന  സ്രോതസ്സുകളിൽ നിന്ന് നേടിയതിനെക്കാൾ ഒരു പൂമ്പാറ്റയെ  നിരീക്ഷിച് മനസ്സിലാകിയെന്ന  തഥാഗതന്റെ  ബോധോദയം  ഇവിടെയും പ്രകാശിച്ചു. ജിജ്ഞാസയുടെ ചിറകിലേറി പ്രകൃതിയിൽ അലിഞ്ഞ്  വിജ്ഞാനത്തിന്റെ അനുസ്യുതമായ പ്രവാഹത്തിലെക്ക് അവനിറങ്ങുന്നതും  ഞാൻ കണ്ടു.

         " 2 രൂപയ്ക്ക് അരി കിട്ടുന്നിടത്തോളം പട്ടിണിയില്ല, പക്ഷെ  അതിനും വേണ്ടേ 2 രൂപ. "

                       വിചിത്രമായി തോന്നാം,,,,, സത്യത്തെക്കാൾ വിചിത്രമായ ഇത്തരം സാമ്പത്തിക യാഥാർത്യങ്ങളുടെ, ഇല്ലായ്മയുടെ  തെളിഞ്ഞ  കാഴ്ചകൾ സാനിധ്യമറിയിക്കാത്ത  ഇടങ്ങൾ ഭൂമിയിൽ  വിരളം. ഇന്നലെകളിൽ  വെന്നിക്കൊടി പാറിപ്പിച്ച പ്രത്യയശാസ്ത്രങ്ങൾ  ഇന്നിന്റെ വേഷ പ്രചന്നതയിൽ  ചിന്തകളെ മാത്രം വേവിക്കുന  ഊർജദായനികളായി  ദുർബലപ്പെടുന്ന  ആശങ്ക  ഈ സിനിമയും പങ്കു വെക്കുന്നു.

         

   ഉത്തരം കിട്ടാത്ത പല സമസ്യകളും  ജീവിതം മുന്നോട്ട്  വെയ്കാറുണ്ട് . ചില സമസ്യകൾക്ക്  മറുപടിയായി  കണ്ണുനീർ  ഒഴുകാറുമുണ്ട്. ഇഴയാൻ പോലും കഴിയാത്ത വിധം കൂച്ച് വിലങ്ങിട്ട  ജീവിത ദശാസന്ധികളിൽ  സ്തബ്ധനായി  നിൽകുമ്പോൾ കണ്ണുനീർ  കടാക്ഷിച്ചില്ലെങ്കിൽ , പഞ്ചേന്ദ്രിയങ്ങളൽ  നേടിയ തിരിച്ചറിവുകൾ ഇന്ധനമായി കത്തിച് പോരാട്ടങ്ങളുടെ പാതയിൽ  മുന്നേറി  ഈ  സമസ്യയെ  അവൻ മറികടക്കുമെന്ന് നമുക്ക് നിസ്സംശയം പറയാം .

   ഈ സിനിമ കണ്ടപ്പോൾ  തോന്നിയവ കുറിച്ചു എന്നേയുള്ളൂ , അവിവേകമായെങ്കിൽ  പൊറുക്കണമെന്ന അപേക്ഷയോടെ നിർത്തുന്നു.

     by

   ഷഹീർ  ചോലശ്ശേരി .