FEAR ME NOT (2008)

FILM : FEAR ME NOT (2008)

COUNTRY : DENMARK

GENRE : DRAMA !!! PSYCHOLOGICAL THRILLER

DIRECTOR : KRISTIAN LEVRING

                നിഷ്ക്രിയമായ ജീവിതം പരുവപ്പെടുത്തുന്ന അസ്വസ്ഥ മനസ്സ് ഹിംസകളിലേയ്ക്ക് വഴുതിപ്പോകുന്ന കാഴ്ചയാണ് ഡാനിഷ് സിനിമയായ FEAR ME NOT പങ്കുവെയ്ക്കുന്നത്. തന്റെ ജോലിയിൽ നിന്നും ദീർഘമായ അവധിയെടുത്ത് കഴിയുന്ന മൈക്കേൽ ജീവിതത്തിൽ ഒരു "മാറ്റത്തിനുള്ള" കാത്തിരിപ്പിലാണ്. കൂടുതൽ മുഷിപ്പിലേക്ക് നീങ്ങുന്ന അയാളുടെ ജീവിതം വീണ്ടും ചലനാത്മകമാകുന്നത് ബന്ധുവായ ഫ്രെഡറിക്കിന്റെ ANTI DEPRESSANT മരുന്ന് പരീക്ഷണത്തിന്റെ ഭാഗമാകുന്നതോടെയാണ്. ഭാര്യയോടും, മകളോടുമൊപ്പം കഴിയുന്ന അയാളുടെ ജീവിതം പുതിയ തിരിവുകളിലെക്കും , കയറ്റിറക്കങ്ങളിലേക്കും നീങ്ങുന്നു. അയാളുടെ  മനസ്സ് സഞ്ചരിക്കുന്ന വഴികളിലൂടെ നമ്മളും സഞ്ചരിക്കുന്നു. അധീശത്വം, സ്വാതന്ത്ര്യം എന്നിവയിലൂന്നിയ മനോനിലകളെ പല രംഗങ്ങളിലും  വ്യക്തമായി  തെളിഞ്ഞു കാണാമായിരുന്നു. ചഞ്ചലചിത്തമായ മനസ്സിന്റെ ദിശാസൂചികളെ പിൻപറ്റിയുള്ള മൈക്കേലിന്റെ സഞ്ചാരം എവിടെ അവസാനിക്കുമെന്ന ചിന്തയാണ് പ്രേക്ഷകരെ അകാംഷാഭരിതരാക്കുന്നത്. ഒരു നല്ല സൈക്കോളജിക്കൽ  ത്രില്ലർ എന്ന് ഈ ഡാനിഷ് സിനിമയെ വിളിക്കാം എന്നാണ് എന്റെ അഭിപ്രായം.