FILM : NABAT (2014)
GENRE : WAR DRAMA
COUNTRY : AZERBAIJAN
DIRECTOR : ELCHIN MUSAOGLU
ഓരോ രാജ്യത്തിലെയും സിനിമകൾ ആ രാജ്യങ്ങളിലെ ജീവിതത്തെയും, സംസ്കാരങ്ങളെയും പല രീതിയിൽ പ്രതിഫലിപ്പിക്കുന്നവയാണ്. ആ കാരണത്താലാണ് പ്രമേയപരമായ സമാനതകൾക്കിടയിലും അവ വേറിട്ട അനുഭവമായി മാറി നിൽക്കുന്നത്. എന്നാൽ, യുദ്ധ-യുദ്ധാനന്തര സാഹചര്യങ്ങൾ പ്രമേയമായി വരുന്ന സിനിമകൾ ഏതു കോണിൽ അവതരിച്ചാലും ഉള്ളിൽ വിങ്ങൽ അവശേഷിപ്പിക്കുന്ന ഏകമുഖമാണ് ദൃശ്യമാകാറുള്ളത്.
അസർബൈജാനി സിനിമകളിലെ ഏറ്റവും മികച്ച ഒരു സൃഷ്ടിയായി പരിഗണിക്കപ്പെടുന്ന NABAT (2014) യുദ്ധ സാഹചര്യങ്ങളിലെ അതിജീവന യാഥാർത്യങ്ങളെ പിന്തുടരുന്നു. യുദ്ധം നിമിത്തം ജീവിതം ദുസ്സഹമാകുന്നതോടെ ഗ്രാമനിവാസികളെല്ലാവരും ഗ്രാമം വിട്ടൊഴിയുന്നു. ആളൊഴിഞ്ഞ ഗ്രാമത്തിൽ ഒറ്റപ്പെട്ട് ജീവിക്കുന്ന വൃദ്ധ ദമ്പതികളായ NABAT-ISKENDER എന്നിവരുടെ ജീവിതത്തിലേക്ക് ചുരുങ്ങുന്ന സിനിമയിൽ വിദൂരതയിൽ മുഴങ്ങുന്ന വെടിയൊച്ചകളായും, പ്രതീക്ഷയേകാത്ത സംഭാഷണങ്ങളായുമാണ് യുദ്ധം സാന്നിധ്യമറിയിക്കുന്നത്. ദാരിദ്ര്യത്തെയും, ഏകാന്തതയെയും, ശാരീരിക-മാനസിക വ്യഥകളേയും ചേർത്തു പിടിച്ച്‌ NABAT എന്ന വൃദ്ധ പിന്നിടുന്ന വഴികളെയും, ദിനചര്യകളെയും പ്രേക്ഷകനും ആവർത്തിച്ചു പിന്തുടരേണ്ടി വരുന്നു. യുദ്ധവും ജീവിതവും സമ്മാനിച്ച നഷ്ടങ്ങളും, വേദനകളും പ്രതിഫലിക്കുന്ന NABAT-ന്റെ മുഖം തന്നെയാണ് സിനിമയുടെ ആത്മാവ്.
ക്യാമറാ ചലനങ്ങളിലൂടെയും, വേറിട്ട ആംഗിളുകളിലൂടെയും ആവർത്തിച്ചു വരുന്ന ഫ്രെയിമുകൾ നൽകുന്ന വിരസതയെ കഴുകിക്കളയാനുള്ള ശ്രമങ്ങൾ കാണാം. സംഭാഷണങ്ങൾ വളരെ കുറവായ ഈ സിനിമയിലെ സംസാരിക്കുന്നതും, ചിന്തിപ്പിക്കുന്നതുമായ പല ദൃശ്യങ്ങളും "STUNNING" എന്ന് വിശേഷിപ്പിക്കാവുന്നവയാണ്. വാർ ഡ്രാമകൾ ഇഷ്ടപ്പെടുന്നവർ തീർച്ചയായും കണ്ടിരിക്കേണ്ട സിനിമയാണ് NABAT(2014).
അസർബൈജാനി സിനിമകളിലെ ഏറ്റവും മികച്ച ഒരു സൃഷ്ടിയായി പരിഗണിക്കപ്പെടുന്ന NABAT (2014) യുദ്ധ സാഹചര്യങ്ങളിലെ അതിജീവന യാഥാർത്യങ്ങളെ പിന്തുടരുന്നു. യുദ്ധം നിമിത്തം ജീവിതം ദുസ്സഹമാകുന്നതോടെ ഗ്രാമനിവാസികളെല്ലാവരും ഗ്രാമം വിട്ടൊഴിയുന്നു. ആളൊഴിഞ്ഞ ഗ്രാമത്തിൽ ഒറ്റപ്പെട്ട് ജീവിക്കുന്ന വൃദ്ധ ദമ്പതികളായ NABAT-ISKENDER എന്നിവരുടെ ജീവിതത്തിലേക്ക് ചുരുങ്ങുന്ന സിനിമയിൽ വിദൂരതയിൽ മുഴങ്ങുന്ന വെടിയൊച്ചകളായും, പ്രതീക്ഷയേകാത്ത സംഭാഷണങ്ങളായുമാണ് യുദ്ധം സാന്നിധ്യമറിയിക്കുന്നത്. ദാരിദ്ര്യത്തെയും, ഏകാന്തതയെയും, ശാരീരിക-മാനസിക വ്യഥകളേയും ചേർത്തു പിടിച്ച്‌ NABAT എന്ന വൃദ്ധ പിന്നിടുന്ന വഴികളെയും, ദിനചര്യകളെയും പ്രേക്ഷകനും ആവർത്തിച്ചു പിന്തുടരേണ്ടി വരുന്നു. യുദ്ധവും ജീവിതവും സമ്മാനിച്ച നഷ്ടങ്ങളും, വേദനകളും പ്രതിഫലിക്കുന്ന NABAT-ന്റെ മുഖം തന്നെയാണ് സിനിമയുടെ ആത്മാവ്.
ക്യാമറാ ചലനങ്ങളിലൂടെയും, വേറിട്ട ആംഗിളുകളിലൂടെയും ആവർത്തിച്ചു വരുന്ന ഫ്രെയിമുകൾ നൽകുന്ന വിരസതയെ കഴുകിക്കളയാനുള്ള ശ്രമങ്ങൾ കാണാം. സംഭാഷണങ്ങൾ വളരെ കുറവായ ഈ സിനിമയിലെ സംസാരിക്കുന്നതും, ചിന്തിപ്പിക്കുന്നതുമായ പല ദൃശ്യങ്ങളും "STUNNING" എന്ന് വിശേഷിപ്പിക്കാവുന്നവയാണ്. വാർ ഡ്രാമകൾ ഇഷ്ടപ്പെടുന്നവർ തീർച്ചയായും കണ്ടിരിക്കേണ്ട സിനിമയാണ് NABAT(2014).
No comments:
Post a Comment