LITTLE BIG MASTER (2015)

FILM : LITTLE BIG MASTER (2015)

COUNTRY : HONG KONG

GENRE :  DRAMA

DIRECTOR : ADRIAN KWAN

                         "A GREAT TEACHER INSPIRES " എന്നത് എത്രമാത്രം  അർഥവത്താണെന്ന് വ്യക്തമാക്കുന്ന സിനിമയാണ് LITTLE BIG MASTER. വിദ്യാഭ്യാസത്തിന്റെ പ്രാധാന്യവും, അധ്യാപനത്തിന്റെ മഹത്വവും, നന്മയുടെ വെളിച്ചവും മനസ്സിലേക്ക് കോരിയിടുന്നു ഈ  കുഞ്ഞു സിനിമ. കേവലം 5 കുട്ടികൾ മാത്രമുള്ളതും, അടച്ചു പൂട്ടൽ ഭീഷണി നേരിടുന്നതുമായ കിന്റർ ഗാർട്ടനിൽ  തുച്ചമായ ശമ്പളത്തിന് ഹെഡ് മിസ്ട്രസ്സ് ആയി ജോലിക്കെത്തുകയാണ്  LUI. അക്ഷരക്കൂട്ടങ്ങൾക്കപ്പുറം അറിവിന്റെയും, സ്വപ്നങ്ങളുടെയും സുന്ദര നിമിഷങ്ങളിലേയ്ക്ക്  കുട്ടികളെ നയിക്കാനും  അവർക്കാവുന്നു. ദാരിദ്ര്യവും, നിശ്ചയദാർഡ്യവും, സ്വപ്നങ്ങളുമെല്ലാം സിനിമയിലെ ഉൾക്കാഴ്ച നൽകുന്ന സാന്നിധ്യങ്ങളാകുന്നു. കുട്ടികളുടെ മികവുറ്റ പ്രകടനങ്ങളും സംഭാഷണങ്ങളും കാഴ്ചക്കാരന്റെ കണ്ണുകളെ ഈറനണിയിക്കുന്നു. "വിദ്യാഭ്യാസം" കച്ചവടവൽക്കരിക്കപ്പെട്ട  ഇക്കാലത്ത് നമുക്ക് നഷ്ടമാകുന്നത് ഹൃദയം കൊണ്ട് അറിവ് പകരുകയും, ജീവിതം കൊണ്ട് വഴികാട്ടുകയും ചെയ്യുന്ന ഗുരുനാഥൻമാരെയാണ് എന്ന തിരിച്ചറിവ് ഈ സിനിമ സമ്മാനിക്കുന്നു. മനസ്സിനെ സ്പർശിക്കുന്നതും, പ്രചോദനമേകുന്നതുമായ ഈ സിനിമ ഒരു യഥാർത്ഥ സംഭവത്തെ അടിസ്ഥാനമാക്കി  നിർമിച്ചതാണെന്ന അറിവ് കൂടുതൽ സന്തോഷം നൽകുന്നു.